हजुरले छोडेदेखि

हजुरले छोडेदेखि सबै आँखा तर्छन मलाई

नानाथरी कुरा झिकी त्यसै गाली गर्दछन् मलाई

आफ्नो सोझो गर्दा पनि सारै गाह्रो भयो

सत्य कुरा बोले पनि उल्टै दागा धर्छन मलाइ

नबोले नी सुख छैन बोले झनै गाह्रो हुने

एउटा कुरा के बोलेथे हजार कथा भर्छन मलाई

घरभित्र के हुँदैछ केही पनि थाहा दिन्नन

केही कुरा बुझ्न खोजे उसै उसै टार्छन मलाई

साह्रै गाह्रो हुँदो रैछ आफ्नो मान्छे टाढा हुँदा

छिट्टै फर्की आउनुस् हजुर यिनीहरुले मार्छन मलाई

निस्तुरिमायालु