सौन्दर्य आनन्द

सुन्दरता त आंखामा हुन्छ
यसको आनन्द आत्माले चिन्छ
फूलको सौन्दर्य दृश्यमा हुन्छ
टिप्नैपर्ने जिद्दीपनले माटैमा मिल्छ

जून सुन्दर देखिएको टाढा हुनाले
मौसम स्वच्छन्द वर्षाले पखाल्नाले
सुन्दरता त आखिर मनले न लिने
छोएर हातले, बिगारेर के पाउने

सुन्दर फूलको बयान राम्रो
अनि उसको बासना राम्रो
टाढाबाट सौन्दर्यको सोपान मीठो
चिमोट्न खोजे ध्वस्त हुन्छ छिटो ।।।