कबिता ********दले**********

लेखक बिजु श्रेष्ठ
प्रदेशी भुमिबाट

सोझालाई नझुक्याई दलेलाई निन्द्रा लाग्दैन

सिधा काममा दलेको ध्यान कहिले जाग्दैन ।।

सरकार दलेको हातबाट राम्रोसंग चल्दैन

देश बनाउनु पर्छ भन्ने कुरा दलेले सोच्दैन ।।

दले जति मिलि देश चुस्न कहिले छाड्दैन

देश बेच्न तयार हुन्छ दलालि गर्न छाड्दैन ।।

दलालि नगरि दलेलाई खाएको पच्दैन

सिधा कमाईको पैसाले दलेको घर चल्दैन ।।

यो देशमा कानुनले दलेलाई केहि गर्दैन

सोझा जनतालाई मात्र कानुनले छाड्दैन ।।

बनवोटि नाटकमा रमाउने दलेले कसैलाई गन्दैन

आफन्त र पराई भनेर दलेले कसैलाई चिन्दैन ।।